A jo Wóm na to łodpowiym tak. Jak za 100 lot ludzie majóm godać po ślónsku wedug jednyj wersji(na zicher wedug tyj katowickij), to jo smola takie ucynie godki, bo to niy ma we mojij wercie. A pojakiymu to mi sie niy kali?, a no bez tós iże jo wykludziół sie ze Radziónkowa, miasta ftore mo swoja gwara, momy sówka ftorych niy treficie nikaj indzij(powiydzcie mi co to je satelit), i kaj jesce poza Radziónkowym tak godajóm?. Jak moje bajtle majóm godać wedug katowickij wersje, bo tak bydóm je ucyć rechtorki, to zo wi zo gwara ftoro wyniós zech z doma bydzie umarto pra?. Na cós mi terazki miano jynzyka do ślónskij godki?. Niy lepij w dóma ucyć zocy do gwary, i samyj godki?. Jo tak robia, i widza jak jejich staroski sóm skiż tego rod.