Wielkanocny galet

Jan Kaintoch

publikacja 31.03.2013 11:14

Na świynta Zmartwychwstanio Pańskigo 2013

Wielkanocny galet   Jajka z konkursu "Górnośląskie kroszonki 2012" w Muzeum Górnośląskim w Bytomiu Ks. Paweł Łazarski/GN

 

Do gynsi prziszła yntka
We Niydziela Palmowo,
Bo miała wielko chyntka
Chwolić się taszkom nowom.

A gynś na nia wejrzała,
Podprzyła lewe kitko.
- Mosz na boloku ała,
Dyć ta taszka je brzidko.

Skuli gynsi fulanio:
Za dużo jedne słowo.
Godka do szkubanio,
Chaja momy gotowo.

Somsiedzko przijaźń citła,
Gynś yntki niy łodwiedzi.
Czy to je dobry przikład
Dlo cwergowyj gowiedzi?

Łotworzyły się gały,
Finał mo akcynt mocny:
Dziepiyro się spotkały,
W galecie Wielkanocnym.


Jan Kaintoch

Wielkanoc 2013